دخول الأعضاء
الإسم: الكلمة السرية:
هل نسيت الكلمة السرية؟ أضغط هنا..



النكت والألغازالصفحة
إذهب إلى منتدى

  2015/01/30 - 20:51


كنت غادي فالدوار
بانتلي خدوج فوق الحمار
هزيت السلهام و غوَّت بصوت جبار
خدوج..رحمي قلبي من صهد الجمار
و نزلي من فوق داك الحمار.. راني مغيار
يالاهي نمشيو لمدينة نخدم خضار
و نعيشو ولو فعشة بلا شي دار
اليد فاليد نقاومو هذا الزمان الحكار
خديت خدوج من يديها و ركبنا فالكار
وصلنا لمدينة.. دخنا وسط العمارات من سمسار لسمسار
تكرفسنا.. عيينا.. دقنا المرار.
فرشنا الهيدورة شدينا الارض غرقنا وسط السوار.
شفنا مناظر تحير العقل
الكارو فيد عيالات و رجال صغار و كبار
الناس لابسة عريانة و هذا فبلادنا عار.
البنت لابسة سروال نص كم
و الولد تابعها يقولها انت السكرانت زحل انت القمر
شفت فخدوج بانو ليا غير عينيها من ليزار
قلت ليها خدوج...!
قالت لي نعام ا روح القلب
نعام ا مول الدار.. نعام الخضار..!
ضحكت ضحكة وراها اسرار
ضاقت بيا الدنيا وقطرت الدمعة من عينيا
قلت ليها توحشت الدوار توحشت الاشجار... و فدادن الكبار..
توحشت الصابا و الساقيا و الحمار
درنا رجلينا فالكار ورجعنا للدوار..
نزلت برجلي د ليمن كمشت التراب
بست الارض الفازكة.. شميت الغبار
صليت جوج ركعات فالساقيا و عنقت الحمار

  2015/02/02 - 18:34
بارك الله
  2015/03/26 - 18:38
بارك الله فيك
  2015/04/05 - 16:44
هههههههههه
شكرا على الموضوع
وعلى الحوار الفكاهي الجميل
يسلموا الايادي

النكت والألغازالصفحة
إذهب إلى منتدى